સફેદ દાગ (કોઢ)

સફેદ દાગ (કોઢ) થવાના ઘણા કારણો છે. આયુર્વેદ અનુસાર આ રોગ વિરુદ્ધ આહાર કરવાથી તથા અશુદ્ધ આહાર અને વિષેલા પદાર્થો ના સેવનથી પણ થઈ શકે છે. લોહીમાં ભળેલા અશુદ્ધ તત્વો પણ આ રોગ થવાના કરણોમાં નું એક કારણ હોઈ શકે છે. 

સફેદ દાગ (કોઢ) થવાનું એક કારણ – પરંપરાગત પણ હોઈ શકે છે. જો કોઈ વ્યક્તિને આ રોગ હોય તો, આ રોગ ભવિષ્યની પેઢીઓમાં ઉતરી શકે છે.

આયુર્વેદ પ્રમાણે આ રોગ વાત, પિત્ત, અને કફ ના બગડવાથી (અસમાન) રહેવાથી થાય છે. કોઢ અઢાર પ્રકારે થાય છે.

1 કાપાલીક, 2 ઉદુમ્બર, 3 મંડલ, 4 વિચર્ચિકા, 5 ઋષ્યજિહ્વ, 6 વિપાદિકા, 7 સિધ્મ, 8 એક કુષ્ઠ, 9 કિટીભ, 10 અલસ, 11 દદ્રુ, 12 પામા, 13 વિસ્ફોટક, 14 મહા કુષ્ઠ, 15 ચર્મદલ, 16 પુંડરીક, 17 શતારુ, 18 કાકણ

આ ઉપરાંત એક શ્વિત્રકુષ્ટ નામનો કુષ્ઠ રોગ (કોઢ) પણ થાય છે. જે વાતજ, પીતજ, અને ક્ફજ એમ ત્રણ પ્રકારે થાય છે.

આમ આ કુષ્ઠ રોગ સફેદ દાગ ઘણા પ્રકારે અને ઘણા જ કારણોસર થઈ શકે છે. 

વજ્ર તૈલ

વજ્ર તૈલ

આ તૈલ બધાજ પ્રકારના કુષ્ઠ રોગોનો નાશ કરવા સમર્થ છે. આ તૈલ નીચે પ્રમાણે બનાવી શકાય છે.

1           ૬૪ તોલા (૭૪૬ ગ્રામ)           થોરનું દૂધ 

2           ૬૪ તોલા (૭૪૬ ગ્રામ)           આંકડાનું દૂધ 

3           ૬૪ તોલા (૭૪૬ ગ્રામ)           ધતુરાના પાનનો રસ 

4           ૬૪ તોલા (૭૪૬ ગ્રામ)           ચિત્રકના પાનનો રસ 

5           ૬૪ તોલા (૭૪૬ ગ્રામ)           ભેંસના છાણનો રસ 

6           ૬૪ તોલા (૭૪૬ ગ્રામ)           તલનું તેલ 

64 તોલા (746 ગ્રામ) તલના તેલમાં ઉપરની બીજી બધીજ વસ્તુઓને સિધ્ધ કરો. 

એક વાર આ તેલ સિધ્ધ થયા બાદ બીજીવાર આ તેલને 2985 ગ્રામ દેશી ગાય ના મૂત્રમાં સિધ્ધ કરીલો. તેલનો  બરાબર પાક થયા બાદ તેને એક કાચના વાસણમાં ગાળી ભરી લેવું.

ત્યારબાદ આ સિધ્ધ થયેલ આ તેલમાં શુધ્ધ ગંધક, શુધ્ધ ભિલામાં, શુધ્ધ મનશીલ, શુધ્ધ હરતાલ, વાવડિંગ, અતિવિષ, શુધ્ધ વચ્છનાગ, કડવી તુંબડી, ઉપલેટ, ઘોડાવજ, જટામાંસી, સૂંઠ, મરી, પીપર, દારૂ હળદર, જેઠીમધ, સાજીખાર, જીરું અને દેવદાર. – આ તમામ વસ્તુઓ 1 – 1 તોલો (11.66 ગ્રામ) લઈ તેનું બારીક ચૂર્ણ કરી અને તેમાં મેળવવું. 

આ રીતે તૈયાર થયેલ તેલ ને સુપ્રસિધ્ધ વજ્ર તૈલ કહે છે. આ વજ્ર તૈલથી દરેક પ્રકારના કુષ્ઠ રોગો નાશ પામે છે.

ચામડી ઉપર જે જગ્યાએ રોગનું આક્રમણ થયું હોય તે જગ્યાએ આ તેલ લગાવવાથી રોગ કાબુમાં આવી મટી જાય છે.